Ұлытау облысында іскер әйелдер кеңесінің бірінші отырысы өтті
Ұлытау облысында «Атамекен» аталған облыстың Өңірлік кәсіпкерлер палатасы құрған іскер әйелдер кеңесінің бірінші отырысы өтті. Кәсіпкерліктің сан алуан түрлерімен айналысатын әйелдер тәжірибе алмасу және болашақ жоспарларын талқылау үшін жиналды, деп хабарлайды Kazinform.
Іс-шараның модераторы Ұлытау Өңірлік кәсіпкерлер палатасының төрағасы Гүлмира Қаженова болды.
Іс-шара спикерлері: «ASMAR» Қазақстан Ұлттық кәсіпкер әйелдер қауымдастығы төралқасының төрағасы, «Атамекен» ҰКП Іскер әйелдер кеңесінің төрағасы Ләззат Рамазанова, Қарағанды облысы бойынша СДЖ төрағасы Гүлия Жәңгірова, «ПИК Ютария ltd» ЖШС, «Uly Dala» ЖШС компаниясының бас директоры Сәуле Шауенова, «Ютария Ltd» ЖШС директоры Тұрсынай Ибадатова, «Даму» КДҚ АҚ бағдарламаларды ілгерілету жөніндегі бас менеджері Жазира Арыстанова, бодибилдинг және фитнес федерациясының директоры, Қазақстан мас-рестлинг федерациясының директоры, «Fitness Body Club» фитнес клубының иесі, директоры Гүлнара Загирова, бизнестегі әйелдерді қолдау шаралары және әйелдер кәсіпкерлігінің маңызды рөлі туралы айтты.
Бизнес-ханымдар өз білімдерін жас кәсіпкерлермен бөлісті, ал жаңа буын интернет арқылы сатудың инновациялық әдістерін ұсынды. Бұл іс-шара Ұлытау облысының табысты әйелдерін оқыту, қолдау және бизнесте өзара іс-қимыл жасау үшін тамаша мүмкіндік болды.
Іскер әйелдер кеңесінің миссиясы – әйелдердің кәсіпкерлік қызметін қолдау және дамыту, сондай-ақ олардың экономикалық белсенділігін ынталандыру.
«Көшбасшылық қасиеттерді дамыту, білім беру және тренингтік бағдарламаларға қол жеткізу, әйелдерге кәсіпкерлік қызметте өз әлеуетін іске асыруға көмектесу, перспективалы бизнес – идеяларды, жобаларды қолдау –СДЖК-нің негізгі бағыттары. Кеңес бизнесті дамытудың әртүрлі кезеңдерінде жаңа жобаның басталуынан бастап қолданыстағы бизнесті кеңейтуге дейін сараптамалық қолдау мен кеңес беруге дайын. Біз табыстың негізгі факторларының бірі ақпарат пен ресурстарға қол жеткізу екенін түсінеміз. Сондықтан іскер әйелдер арасында байланыс желілерін құруға және тәжірибе алмасуға жәрдемдесуге тырысамыз», – деп атап өтті Гүлмира Изатуллақызы.
Іс-шара барысында іскер әйелдер кәсіпкерлігінің идеялары мен мүдделерін жаңа деңгейге көтеруге арналған тақырыптық форумдар мен іс-шараларды өткізуді талқылады. Сондай-ақ ашық дауыс беру әдісімен Ұлытау облысы бойынша СДЖ жаңа төрағасы болып Гүлмира Изатуллақызы сайланды. Осыған дейін бұл қызметті Марал Тілеужанова атқарған болатын.
