Ұлытау облысындағы сайлау учаскелерінде сайлаушылар белсенділігі байқалады
АСТАНА. KAZINFORM — Ұлытау облысында таңғы сағаттардан бастап бірқатар сайлау учаскелерінде тұрғындардың белсенділігі байқалуда. Құрылтай депутаттарын сайлауға қатысуға келген азаматтардан кейбір учаскелерде кезек пайда болды.
Жезқазған, Сәтбаев, Қаражал қалаларының, сондай-ақ Жаңаарқа және Ұлытау аудандарының тұрғындары сайлау учаскелеріне отбасымен, достарымен және әріптестерімен бірге келіп жатыр. Сайлаушылар арасында әртүрлі буын өкілдері, соның ішінде жастар мен аға буын өкілдері де бар.
Дауыс берудің алғашқы сағаттарындағы тұрғындардың белсенділігі азаматтардың елдегі қоғамдық-саяси үдерістерге қызығушылық танытып, өздерінің сайлау құқығын жүзеге асыруға ұмтылысын көрсетеді.
Ұлытау облысында дауыс беру жалғасып жатыр.
