Ұлттық қордан алған трансферттер түскен табыстан асып кетті – Тимур Сүлейменов
АСТАНА. KAZINFORM – Ұлттық банк төрағасы Тимур Сүлейменов Ұлттық қордың түсімі мен алымында кері баланс қалыптасқанын мәселе етіп көтерді.
«Қыркүйек айының қорытындысы бойынша Қазақстанның жалпы халықаралық резервтері рекордтық 107,2 млрд долларға жетті. Ұлттық Банктің алтын-валюта резервтері жыл басынан рекордтық мән – 44,5 млрд долларға немесе 23,6%-ке ұлғайды», - деді ол.
Тимур Сүлейменовтің айтуынша, Ұлттық қордың активтері жыл басынан бері 4,5%-ке ұлғайып, 62,7 млрд доллар болған
«Ұлттық қордың түсімдері мен алымдарының балансы теріс қалыптасып келеді. Яғни, алымдар түсімдерден асып жатыр. Бұл жағдайда қор қаражатының өсімін қолдап тұрған жалғыз фактор – инвестициялық табыс. Ол 9 айда 6,16 млрд доллар болды», - деді Ұлттық банк басшысы.
