«Ұлттық кітап» республикалық байқауына қатысуға өтінім қабылдау басталды

АСТАНА. KAZINFORM - Байқау Қазақстан Мәдениет және ақпарат министрлігінің ұйымдастыруымен «Ұлттық кітап күні» мерекесіне орай өткізіледі.

«Ұлттық кітап» республикалық байқауына қатысуға өтінім қабылдау басталды
Фото: Мәдениет және ақпарат министрлігі

Байқаудың негізгі мақсаты – кітап оқу мәдениетін қалыптастыру, үздік авторларды анықтап, қазақ әдебиетінің, руханиятының дамуына ықпал ету. Аудармашыларды, баспагерлер мен кітап дизайнерлерін қолдау және ынталандыру.

Байқау келесі 10 номинация бойынша өтеді:

Балаларға арналған үздік кітап

Үздік комикс

Нон фикшн жанрындағы үздік кітап

Детектив жанрындағы үздік кітап

Сатира жанрындағы үздік кітап

Үздік илюстрациялық кітап

Үздік аударма кітабы

Фантастика жанрындағы үздік кітап

Үздік баспа

«Жыл кітабы» Гран-при сыйлығы

Конкурсқа кейінгі екі жылда жарық көрген туындылар қабылданады. Қабылдау мерзімі аяқталғаннан кейін түскен жұмыстар тіркелмейді.

Байқауға жұмыстар 2025 жылғы 15 қаңтар – 1 сәуір аралығында қабылданады.

Айта кетсек, Мемлекет басшысының бастамасымен жаңа мереке – «Ұлттық кітап күні» бекітілді.

Мереке алғаш рет 23 сәуірде атап өтіледі.

Соңғы жаңалықтар