Ұлттық ғылыми кеңестер туралы қаулыға өзгерістер енгізілді

Қазақстан Республикасы Үкіметінің "Ұлттық ғылыми кеңестер туралы" 2011 жылғы 16 мамырдағы № 519 және "Ұлттық ғылыми кеңестердің құрамын бекіту туралы" 2011 жылғы 12 шілдедегі № 785 қаулыларына өзгерістер енгізу туралы

Қазақстан Республикасы Үкіметінің 2018 жылғы 4 шілдедегі № 407 қаулысы

      Қазақстан Республикасының Үкіметі ҚАУЛЫ ЕТЕДІ:

      1. Қазақстан Республикасы Үкіметінің кейбір шешімдеріне мынадай өзгерістер енгізілсін:

      1) "Ұлттық ғылыми кеңестер туралы" Қазақстан Республикасы Үкіметінің 2011 жылғы 16 мамырдағы № 519 қаулысында(Қазақстан Республикасының ПҮАЖ-ы, 2011 ж., № 38, 468-құжат):

      көрсетілген қаулымен бекітілген ұлттық ғылыми кеңестердің тізбесінде:

      7) тармақша мынадай редакцияда жазылсын:

      "7) "Ұлттық қауіпсіздік және қорғаныс" ғылым бағыты бойынша ұлттық ғылыми кеңес.";

      2) "Ұлттық ғылыми кеңестердің құрамын бекіту туралы" Қазақстан Республикасы Үкіметінің 2011 жылғы 12 шілдедегі № 785 қаулысында:

      көрсетілген қаулымен бекітілген ұлттық ғылыми кеңестердің құрамында:

      "Ұлттық қауіпсіздік және қорғаныс (құпиялық белгісінсіз)" деген бөлімнің атауы мынадай редакцияда жазылсын:

      "Ұлттық қауіпсіздік және қорғаныс".

      2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.