ҰЛТТЫҚ ҚҰРЫЛТАЙ ҚҰРУДЫ ҰСЫНАМЫН - ПРЕЗИДЕНТ
НҰР-СҰЛТАН. ҚазАқпарат – Мемлекет басшысы ұлттық құрылтай құруды ұсынды, деп хабарлайды ҚазАқпарат тілшісі.
«Біз бірліктің бастауы болған дала демократиясының бастауын жалғастыруымыз керек. Ұлттық қоғамдық сенім кеңесі өз міндетін табысты атқарды. Енді оның орнына құрамы жағынан ауқымды ұлттық құрылтай құруды ұсынамын», - деді Қасым-Жомарт Тоқаев.
Оның айтуынша, жаңа құрылым ұлттық кеңестің қызметін, орталық деңгейде жалғастыратын болады.
«Құрылтай- қоғамдық диалогтың біртұтас институтционалдық моделін қалыптастыруға тиіс. Сөйтіп билік пен халықтың арасындағы дәнекерген айналатын болады. Қазіргі қоғамдық кеңестің бәрін өз айналасына топтастырады. Ұлттық құрылтайдың құрамында барлық аймақтың өкілдері болады. Сондай-ақ, оған Парламент бірқатар депутаты, Қазақстан халқы ассамблеясы, азаматтық альянс, қоғамдық кеңес пен ұйымдардың мүшелері, белгілі мемлекет қайраткерлері және тағы басқа кіреді», - дейді ол.
