Ұлттық лигадағы алматылық волейболшы қыздар бүгін жартылай финалдағы үшінші ойынын өткізеді

деп хабарлайды ҚазАқпарат ҚР Волейбол федерациясының баспасөз қызметіне сілтеме жасап. Сәуірдің 11-і күні жалауын көтерген бұл бәсекеде жартылай финалда Талдықорғаның «Жетісуы» мен Астана қаласының «Астана қанаты», ал Алматының «Алматысы» мен Ақсудың «Ертіс-Қазхром» командасы кездескен болатын. Алаң иелері астаналықтардан 3:1 және 3:0 есебімен екі ойында да басым түсті. Алматылықтар ақсулықтармен 1:3, 3:1 есебімен тең түскендіктен, бүгін үшінші кездесуін өткізбек. Бұл ойынның жеңімпазы сәуірдің 15-16 күндері бірінші орын үшін талдықорғандықтармен сайысқа түседі. Ал жеңіліс тапқаны астаналықтармен 3-ші орынға таласпақ.