Ұлыбритания үкіметі зейнет жасын алып тастайтын заң жобасын әзірледі

ЛОНДОН.  Шілденің 15-і. ҚазАқпарат -  Ұлыбритания үкіметі     зейнет жасын    алып тастайтын  заң  жобасын  әзірлеп    отыр.     Бұл туралы    британ басылымы     жазуда,

деп   хабарлайды ҚазАқпарат  ИТАР-ТАСС агенттігіне  сілтеме  жасап.

Қолданыстағы   заңама   65 жасты    зейнетке  шығу  жасы  деп белгілейді.       Сондықтан да жұмыс беруші   жасы 65-ке жеткен    қызметкерді    жұмыстан  босата алады.    

Бірақ   лейбористік    үкімет    «кемсітушілік» деп   қарастырып  отырған  бұл жас шектелімін    алып тастау  туралы шешім қабылдауда.   Нәтижесінде    Ұлыбританияда  биылдан бастап   зейнет жасы  деген   ұғымның  өзі  жойылады:  адамдар   өздері  қалаған жасқа дейін  және    өз лауазымдық  міндеттерін  атқара алғанша еңбек ете алады.   Тек    минимальды мемлекеттік  зейнетақы төлене бастайтын   жасты  ғана анықтау  қалып  отыр.    Мүмкін,   ол  төлемнің атауы да өзгеретін  болар.