Ұлыбританияда тікұшақ апатынан төрт адам қаза тапты

АСТАНА. ҚазАқпарат - Ұлыбританияның Норфолк графтығында тікұшақтың апатқа ұшырауынан төрт адам опат болды, деп хабарлайды британиялық БАҚ-қа сілтеме жасап РИА «Новости».

Әуе апаты Гиллингем кентіне жақын маңда орын алған. Жергілікті тұрғындардан зардап шеккендер болған жоқ.

Азаматтық тікұшақ апаты тұманның салдарынан орын алған болуы мүмкін деген болжам бар.

Қазіргі уақытта оқиғаға байланысты тергеу жұмыстары жүргізіліп жатыр.