Ұлыбританияда жарылыс болып, 30-дан астам адам жараланды
АСТАНА. ҚазАқпарат - Ұлыбританияның Мерсисайд графтығы Уиррел ауданында жарылыс болып, шамамен 32 адам жараланды, деп хабарлайды Lenta.ru.
Дәрігерлердің айтуынша, 30 адамның жарақаты аса ауыр емес, ал жапа шеккендердің екеуі ауруханаға жөнелтілді. Қаза тапқан адамның бар-жоғы туралы дерек жоқ.
Жергілікті өрт сөндіру қызметінің хабарлауынша, жарылыс би студиясында болған. Куәгерлер ғимарат толықтай қирағанын айтады, сондай-ақ көрші ғимараттарға да зақым келген.
Жарылыс болған жерде полиция жұмыс істеп жатыр, олар жарылыстың нақты неден болғанын анықтау үстінде.
Оқиға 25 наурыз күні жергілікті уақыт бойынша 21:15-те болған.
