Үнді мұхитында «Боингіні» іздеу белсенді түрде жалғасуда
АСТАНА. ҚазАқпарат - Malaysia Airlines авиакомпаниясының жоғалып кеткен «Боинг» ұшағын Үнді мұхитынан іздестіру қайтадан өрістей түсті, қазір оған 11 кеме, 10 әскери және үш азаматтық ұшақ қатыстырылуда.
Бұл туралы Би-Би-Си хабарлады.
Жұма күні екі кеме суасты нысандарын анықтайтын құрылғылармен ұшақтың «қара жәшігін» іздеуге кірісті.
«Боинг» ұшағын іздестірудің халықаралық операциясының ауқымы кеңейе түскеніне қарамастан, ұшақтың жоғалуы бұрынғыша белгісіз болып қалып отыр.
«Қара жәшікті» іздестіруге бірнеше күн қалды, одан кейін дабыл жіберетін батареялар апаттан кейін 30 күн өткен соң істен шығады.
Ұшақ Куала-Лумпурдан Бейжіңге бара жатқанда жоғалып кетті. Оның бортында 239 адам болды.
