Үндістан, Пәкістан және Иран ШЫҰ құрамына кіре алады - Н.Назарбаев
«Маусым айында Шанхай Ынтымақтастық Ұйымының кездесу, сессиясы өтеді. Ұйымға Үндістан мен Пәкістанның, бұған қоса мүмкін Иранның да қабылдануы туралы мәселе көтеріледі. Яғни, ШЫҰ-ға мүше елдердегі адам саны 3 млрд-қа жетеді», - деді Елбасы.
ҚР Президентінің атап өтуінше, бүгінде әлем жол айырығында тұр. Ал жаһандық одан ары даму жолы қай жолмен жүретіндігі көп жағдайда барша әлемдік қоғамдастықтың бірлескен, нақты іс-қимылына байланысты орын алады.
«Біздің көзқарасымызша, одан ары даму жүруі мүмкін жолдың бірі - бұл әлемдік экономиканың фрагментациясы. Қазіргі уақытта үкіметтер мен орталық банктердің экономикалық белсенділікті жандандырудағы мүмкіншіліктері барынша азая түсуде. Мұндай жағдайда тамыр-таныстыққа бой алдыру, сыртқы әлемнен тұйықталу мүмкіншілігі өте зор. Біз мұндай саясаттың көптеген жекелеген үлгілерін көрдік. Бұл ДСҰ-ның орнына жекелеген сауда бөгеттері қоюға, капитал қозғалысына шектеу енгізуге, өзара санкцияларға, саудаға кедергілерді кеңейтуге қатысты», - деді Н.Назарбаев.