Үндістан жарты жыл ішінде Кеден одағымен ЕСА туралы шартты келісуді бастайды
АСТАНА. ҚазАқпарат - Үндістан таяу жарты жылда Кеден одағымен еркін сауда аймағын құру туралы шарт жөнінде келіссөздерді бастауды жоспарлауда. Бұл жайында Үндістан сауда және өнеркәсіп істері министрінің орынбасары Раджив Кхер мәлімдеді, деп хабарлады ТАСС.
«Жұмыс тобы үш-алты айдың ішінде ұсыныс дайындауы тиіс, содан кейін тиісті шарттың ережелерін келісу үрдісі басталады», - деп мәлімдеді ол «International Engineering and Technology Fair 2015» машина жасау көрмесінің барысында.
2014 жылдың соңында Үндістан мен Ресей еркін сауда туралы келісім жасасу мүмкіндігін зерделеу үшін жұмыс тобын құрған.
