Үндістанда әскери тікұшақ құлап, бес адам қаза тапты
АСТАНА. ҚазАқпарат - Үндістанның солтүстік-шығысында Үндістан Әскери әуе күштерінің Ми-17 әскери-көлік тікұшағы құлады.
Апат салдарынан бес адам қаза тауып, бір адам жарақат алған, деп хабарлайды Times of India.
Оқыс оқиға жұма күні таңертең Аруначал-Прадеш штатының Таванг қаласының маңында болған.
Басылымның ақпаратына сүйенсек, тікұшақ бортында алты адам болған. Зардап шеккен жанның жағдайын дәрігерлер ауыр деп отыр.
Фото: © AFP 2017 / Aamir Qureshi
