Үндістанда автобус өзенге құлап, 27 адам мерт болды

АСТАНА. ҚазАқпарат - Сенбі  күні жолдан шығып кеткен автобус өзенге құлаған. Қаза тапқандардың саны кем дегенде 27 адам, деп хабарлайды ТАСС .

 Бұл мәліметті  ND TV арнасы полиция ақпаратына сүйене отырып таратқан.

Ақпаратқа сәйкес, жол апаты Савай-Мадхопур аймағында болған. Автобустағы жолаушылар саны - 50. ND TV сонымен қатар, жараланғандардың көп екенін айтады. Әзірге аталмыш оқиғаға байланысты нақты ақпараттар берілген жоқ.  Жол апатының себептері де айтылмай отыр.