Үндістанда болған су тасқынынан 8 адам мерт болды
Үндістанның Андхра-Прадеш штатында нөсер жаңбырдың салдарынан болған су тасқынынан кемінде 8 адам көз жұмды, деп хабарлайды 24.kz.
Табиғаттың дүлей күші әсіресе Гунтур округіне соққан. Ол жерден мың адам қауіпсіз аймаққа көшірілген. Өңірдегі мектептер жабылған, сондай-ақ қоғамдық көліктің қозғалысы да тоқтаған.
Табиғат апаты орын алған аймақта төтенше жағдайлар бойынша әрекет ету қызметінің өкілдері жұмыс істеп жатыр.
