Үндістанда хирург жеті жасар баланың 80 тісін жұлған - ВИДЕО
АСТАНА. ҚазАқпарат - Үндістанда сирек және күрделі хирургиялық ота ойдағыдай аяқталды. Онда Вивек есімді жеті жасар баланың 80 тісін жұлды. Бала Индор қаласындағы (Мадхья-Прадеш штаты) Maharaja Yeshwantrao ауруханасына жатты, деп хабарлады NEWSru.com.
Ота жасауға төрт сағат кетті. Дәрігер Барат Махешвари (Bharat Maheshwari) баланың ауруханаға бес күн бұрын жақ сүйегінің абсцесімен түскенін The Times of India-ға хабарлады. Тексеру барысында оның бір иегінде көптеген артық тістер өскені анықталған.
Дәрігер Анкит Хасгивала (Ankit Khasgiwala): «Егер Вивек отаға келіспеген жағдайда, төрт жылдан кейін оған 200 тісті жұлуға тура келер еді, - деді. Вивекте қазір неше тіс қалғаны хабарланбады. Russia Today телеарнасы ауруханада түсірілген бейнетаспаны таратқан.
