Үндістанда храмға бірін-бірі баса кіргендердің 11-і адам ажал құшты
АСТАНА. ҚазАқпарат - Үндістанда храмға кірер кезінде 11 адам қысылып өлді. Сонымен қатар ондаған жапа шегуші ауруханаға түсті.
Оқыс оқиға бүгін таңертең болған. Деогарх қаласы индуистердің құлшылық ететін ірі орталықтарының бірі болып есептеледі.
Байдьянатх джьотирлинги (шиваистік храм) қабырғаларының маңына мыңдаған адам жиналды. Қақпа ашылғанда, абыр-сабыр басталып, адамдардың қысылуына соқтырды. Келгендердің барлығы храмға кіруге асыққан. Салдарынан Джаркханд (Үндістанның шығысы) штатындағы Шива храмында кем дегенде 11 адам қаза тапты.
Жергілікті БАҚ-тың хабарлауынша, шамамен 20 адам түрлі жарақат алды.
