Үндістанда қатты дауылдың салдарынан ондаған адам қаза тапты
НЬЮ-ДЕЛИ. Мамырдың 26-сы. ҚазАқпарат - Үндістанда Колката (бұрынғы атауы - Калькутта) маңайында қатты дауылдың салдарынан ең аз дегенде 20 адам қаза тапты,
деп хабарлайды ҚазАқпарат РБК агенттігіне сілтеме жасап. Табиғат апаты төнген Бангладеш пен Үндістанның солтүстік-шығыс бөлігінен жүздеген мың адам басқа жерлерге көшірілді. Дауыл бұған дейін Бангладеште үлкен лай көшкініне себеп болған «Айла» тропикалық циклонынан туындап отыр. Қазір күші әлсіреген циклон солтүстікке қарай жылжып барады.
