Үндістанда мемлекеттік банктің басшысы пара алды деп айыпталды
АСТАНА. ҚазАқпарат - Syndicate Үндістан мемлекеттік банктің басқарма басшысы Судхир Кумар Джайн ірі компаниялардан пара алды деген күдікпен қамалды, деп хабарлады ВВС.
Үндістанның орталық тергеу бюросы Джайн алған 5 млн. рупий (82 мың доллар) ақшаны тәркілегенін хабарлады.
«Жемқорлықпен жоғары деңгейде күресетін боламыз», - деді бюро басшысы Ранджит Синха.
ОТБ хабарлағандай, тергеу аясында Дели, Мумбаи, Бангалор және Бхопалда 20 мекен-жай бойынша құжаттар, компьютердегі ақпарат және қолма қол ақша тәркіленді.
Джайннан басқа тағы 11 адам тергеуге алынды.
