Үндістанда тарихтағы ең «ауыр» ғарыш миссиясы орындалмақ
АСТАНА. ҚазАқпарат - Үндістан жерді бақылау үшін Британияда жасалған бес спутникті орбитаға шығаруға дайын, деп хабарлады «ВВС» агенттігі.
320-тонналық PSLV (Polar Satellite Launch Vehicle) зымыран-тасығышы жалпы салмағы 1440 келі болатын спутниктермен ұшырылады. Бұл тарихтағы ең «ауыр» ғарыш миссиясы болмақ.
Осыған дейін Үндістан 19 елдің 40 шетелдік спутнигін ұшырған. PSLV зымыраны орбитаға 65 спутникті шығарды.
Зымыран Оңтүстіктегі Андхра-Прадеш штатындағы Шрихарикота аралындағы ғарыш айлағынан ұшырылады.
