Үндістандағы алапат тасқын: 60-қа жуық адам қаза тапты
НЬЮ-ДЕЛИ. ҚазАқпарат – Үндістанның солтүстік шығысындағы Ассам штатында күшті муссондық нөсер салдарынан өткен аптада кем дегенде 59 адам мерт болды, деп хабарлайды ҚазАқпарат NDTV телеарнасына сілтеме жасап.
Телеарнаның хабарлауынша, табиғи апат штаттағы 27 округтің 20-на белгілі бір дәрежеде әсер еткен.
Брахмапутра өзені мен ағыстардың су деңгейі жоғары көтеріліп, апат аумағында 1,3 млн-нан астам адам қалып қойған, 1 636 ауыл мен кентті су басты.
Штат үкіметі табиғи апаттан зардап шеккен босқындарды150-ден астам лагерьге уақытша орналастырды. Зардап шеккен аудандардың тұрғындарына билік күріш, жарма, алғашқы қажетті тауарларды таратуда.
