Үндістандағы сұрапыл дауыл 30 адамның өмірін қиып кетті
АСТАНА. ҚазАқпарат - Үндістанның оңтүстігінде болған алапат «Гая» дауылынан кемінде 30 адам мерт болды, деп хабарлайды Associated Press агенттігі.
82 мыңға жуық адам апат аумағынан эвакуацияланды. Үндістанның әскери-теңіз флоты құтқару жұмыстарына екі корабль мен тікұшақ бөлді. Жергілікті билік зардап шеккендерге гуманитарлық көмек жіберді.
Сұрапыл дауылдың жылдамдығы сағатына 90 шақырымға жеткен.
Құтқарушылар жұмада - 13, ал сенбіде 20 адамның мәйітін тапты. Олардың басым бөлігі су тасқыны салдарынан, үйлерінің қирауынан және электр тоғының соғуынан қаза тапқан.
