Үндістанның үкімет басшысы Weibo әлеуметтік желісіне тіркеліп, Қытайға сәлем айтты
АСТАНА. ҚазАқпарат - Қытайға алғаш рет жұмыс сапарымен баруға дайындалып жатқан Үндістан премьер-министрі Нарендра Моди сапарына 1 апта қалғанда Қытайдағы атақты «Weibo» әлеуметтік желісіне тіркелді, деп жазады «ВВС» агенттігі.
«Сәлем, Қытай! Weibo арқылы қытайлық достармен араласар сәтті тағатсыз күтемін», - деп жазды ол. Сол жазбаны қалдырысымен алғашқы сағатта-ақ 7 мыңнан астам адам жауап жазған. Оның көпшілігі беделді қонақтың жазбасына оң қабақ танытқан.
Нарендра Моди - әлемі көшбасшыларының ішінде әлеуметтік желілерді ең белсенді пайдаланатындардың бірі.
