Үндістан орта қашықтықтағы баллистикалық зымыранды сынақтан өткізді
АСТАНА. KAZINFORM — Үндістандық әскерилер Agni-5 континентаралық баллистикалық зымыранының жаңа нұсқасы орташа қашықтықтағы баллистикалық зымыранды сәтті сынақтан өткізді, деп хабарлайды Hindustan Times.
Хабарламаға сәйкес, сынақ Одиша штатындағы зымыран полигонында өткізілген.
Зымыранның бұл нұсқасын Қорғаныс зерттеулері мен әзірлемелер ұйымы дайындағаны атап өтілді.
Қазіргі уақытта Agni-5 зымыранының максималды қашықтығы 7 мың шақырымға жуықтаса, оны 7,5 мың шақырымға жеткізу жұмыстары жүргізіліп жатыр.
Еске сала кетейік, Үндістан қысқа қашықтыққа арналған екі баллистикалық зымыран – Prithvi-II және Agni-I-дің сынақтық ұшыруларын сәтті жүзеге асырғаны жайлы жазған едік.
