Үрімшідегі тәртіпсіздік салдарынан 184 адам қаза тапты

БЕЙЖІҢ.  Шілденің  11-і. ҚазАқпарат -   Қытайдың  Шынжаң-Ұйғыр  автономиялық өлкесінің  әкімшілік орталығы -  Үрімші  қаласында  орын алған этносаралық  қақтығыстардың  салдарынан   қаза болғандардың саны,    қытай  өкіметінің соңғы мәліметтері  бойынша,   184 адамды  құрады.     

Шынжаң  үкіметінің  бұқарамен  байланыс жөніндегі    басқармасынан   хабарлағанындай,   қаза болғандардың 137-сі - қытайлық   ханьдар,    46-сы -    мұсылман  ұйғырлар. Қаза болған тағы бір  адам     басқа этникалық топтың өкілі болған.   

Бұған дейін Қытай  өкіметі,   Шынжаңдағы      толқудың салдарынан 156 адамның  қаза тапқанын   хабарлаған болатын.