Ұрылар қоймадан 63,5 тонна грек жаңғағын үптеп кетті

АСТАНА. 8 қараша. ҚазАқпарат - Калифорния полициясы құны 400 мың доллар болатын 63,5 тонна грек жаңғағын жымқырып кеткен ұрыларды іздестіріп жатыр.

Ұрлық Эскалон қаласындағы қоймалардың бірінде 3 қарашада болған, алайда ол жайында бүгін ғана белгілі болып отыр.

Өткен айда штатта осыған ұқсас жағдай тіркелді. Онда жол жиегіндегі трейлерден 4,5 тонна грек жаңғағы ұрланған.

Грек жаңғағын өсіру Калифорния ауыл шаруашылығы индустриясының экспорты бойынша төртінші сатыда. Бұл дақылды өндіруде әлемде Қытай алдыңғы орында келеді.