Үш айда өңдеу өнеркәсібіндегі өндіріс көлемі 6,5 пайызға өсті

«Өңдеу өнеркәсібінде серпінді өсу үрдісі байқалуда. Осы жылдың қаңтар-наурыз айларында өндіріс көлемі 6,5 пайызға өсті. Барлық өңір бойынша оң өсу көрсеткіші тіркелді. Ең жоғарғы өсу Алматы қаласында, сондай-ақ Солтүстік Қазақстан және Атырау облыстарында байқалуда», - деді Әлібек Қуантыров.
Оның атап өтуінше, өңдеу өнеркәсібі салалары бойынша машина жасау өндірісінің 11,3 пайызға, оның ішінде автомобиль жасаудың – 14,8, вагондар мен локомотивтер өндірісінің – 13,3, құрылыс материалдары – 12,4, дайын металл бұйымдары – 11,0, пластмасса бұйымдары – 15,2, фармацевтикалық өнімдері – 18,2, сусындар – 19,0, киім өндірісінің 13,0 пайыз өсімі қамтамасыз етілді.
«Тау-кен өнеркәсібінде өндіріс көлемі 6,1 пайызға ұлғайды. Салалар бөлінісінде өсім тау-кен өнеркәсібінде қызмет көрсетуде – 17,1, газ өндіруде – 8,2, шикі мұнай өндіруде 7,6, өзге де пайдалы қазбаларды өндіруде – 6,3, металл кендері мен көмір өндіруде 1,9 пайызды құрады», - деді министр.