Үш облыстағы республикалық маңызы бар жолдарда көлік қозғалысы шектелді
АСТАНА. KAZINFORM - ҚазАвтоЖол компаниясы үш облыстағы республикалық маңызы бар жолдарда көлік қозғалысы шектелгенін мәлімдеді
Жамбыл облысы
2024 жылғы 30 желтоқсан сағат 22:30-да Жамбыл облысында ауа райының бұзылуына байланысты «Екатеринбург-Алматы» автожолының 2005-2214 шақырым аралығында (Алматы облысының шекарасынан Қарағанды облысының шекарасына дейін) автокөліктердің барлық түрлерінің қозғалысына шектеу қою жоспарланған
Қарағанды облысы
2024 жылғы 30 желтоқсан сағат 22:30-да Қарағанды облысында ауа райының бұзылуына байланысты «Екатеринбург-Алматы» автожолының 1993-2005 шақырым аралығында (Сарышаған ауылынан Жамбыл облысының шекарасына дейін) автокөліктердің барлық түрлерінің қозғалысына шектеу қою жоспарланған.
Алматы облысы
2024 жылғы 30 желтоқсан сағат 22:40-да Алматы облысында ауа райының бұзылуына байланысты " Екатеринбург-Алматы " автожолының 2214-2295 шақырым аралығында (Жамбыл облысы шекарасы -Каншенген ауылы) автокөліктердің барлық түрлерінің қозғалысына шектеу қою жоспарланған.
Ведомство дерегінше, 2024 жылғы 31 желтоқсан сағат 03:00-де барлық жолдарды ашу жоспарланған.
1403 байланыс орталығына хабарласып, тәулік бойы қосымша ақпарат алуға болады.
Еске сала кетейік, бүгін Қазақстанның 15 өңірінде ауа райына байланысты ескерту жарияланды.
