Үш облыста теміржолдар қардан тәулік бойы тазартылуда
АСТАНА. ҚазАқпарат - Қыстың алғашқы күнінде өңірлердегі теміржолдар бойы 2 мың текше метр қардан тазартылды. Ақмола, Шығыс Қазақстан және Алматы облыстарындағы магистральдарда қар тәулік бойы күрелген, деп хабарлайды ҚазАқпарат.
«Қазақстан темір жолы» ұлттық компаниясының баспасөз қызметінің ақпаратына сәйкес, 1 желтоқсан күні магистральдарды қардан тазартау жұмыстарына 1600 теміржолшы жұмылдырылған.
«Сороковая-Сарыоба, Зырян-Серебрянка, Риддер-Өскемен-1, Өскемен-Рулиха және тағы басқа учаскелерде теміржолдардың қары арнаулы техниканың көмегімен күрелді», - делінген хабарламада.
Теміржолшылардың айтуынша, стансалық және магистральдық жолдардан 2 мың текше метрге жуық қар шығарылып, 200 километрден астам теміржол тазартылды.
