Үстел теннисі: Азия чемпионатының жарыс кестесі жарияланды

АСТАНА. KAZINFORM – 7-13 қазан аралығында Астанада үстел теннисінен өтетін XXVII Азия чемпионатының жарыс кестесі жарияланды.

ҚР Ұлттық олимпиадалық комитеті атап өткендей, аталған сары құрлық додасы 7 қазан күні басталады. 

Айта кетерлігі Қазақстан астанасы құрлықтық біріншілікті алғаш рет ұйымдастырып отыр. Чемпионатқа Азияның барлық үздік ойыншылары қатысады деп күтілуде. Жарыста жалпы 26 елден барлығы 210 спортшы өнер көрсетеді. Медальдарды Бахрейн, Гонконг, Үндістан, Иордания, Иран, Йемен, Катар, Қытай, Қытайдың Тайбэйі, КХДР, Қырғызстан, Малайзия, Мальдив, Моңғолия, Непал, Оман, Пәкістан, Сауд Арабиясы, Сингапур, Таиланд, Өзбекстан, Филиппин, Шри-Ланка, Оңтүстік Корея, Жапония және Қазақстанның шағын ракетка шеберлері өзара сарапқа салады.

Жарыс кестесі:

7 қазан

Командалық жарыс, ерлер. Топтық кезең 
Командалық жарыс, әйелдер. Топтық кезең

Ашылу салтанаты

Командалық жарыс, ерлер. Топтық кезең
Командалық жарыс, әйелдер. Топтық кезең

8 қазан 

Командалық жарыс, ерлер. Ширек финал 
Командалық жарыс, әйелдер. Ширек финал

9 қазан

Командалық жарыс, әйелдер. Жартылай финал 
Командалық жарыс, ерлер. Ширек финал
Жұптық сын, әйелдер. 1/32 финал
Аралас жұптық сын. 1/32 және 1/16 финал
Командалық жарыс, әйелдер. Финал

10 қазан 

Командалық жарыс, ерлер. Жартылай финал 
Аралас жұптық сын. 1/8 және ¼ финал
Жекелей сын, әйелдер. 1/64 финал
Командалық жарыс, ерлер. Финал

11 қазан 

Жұптық сын, ерлер. 1/16 және 1/8 финал 
Жұптық сын, әйелдер. 1/16 және 1/8 финал
Жекелей сын, ерлер.1/64 және 1/32 финал
Жекелей сын, әйелдер. 1/32 және 1/16 финал
Аралас жұптық сын. Жартылай финал

12 қазан

Жекелей сын, ерлер. 1/16, 1/18 және ¼ финал 
Жұптық сын, әйелдер. Ширек финал
Жұптық сын, ерлер. Ширек финал
Жекелей сын, әйелдер. 1/8 және ¼ финал
Жұптық сын, ерлер. Жартылай финал
Жекелей сын, әйелдер. Жартылай финал
Аралас жұптық сын. Финал
Жұптық сын, ерлер. Финал

13 қазан 

Жұптық сын, әйелдер. Жартылай финаал 
Жекелей сын, ерлер. Жартылай финал
Жекелей сын, әйелдер. Финал
Жекелей сын, ерлер. Финал

Турнир BEELINE ARENA Ұлттық теннис орталығында өтеді. Әр ойын күні Астана уақытымен 10.00-де басталады.

Көрермендер үшін кіру тегін. Азия чемпионаты Qazsport арнасының тікелей эфирінде көрсетіледі.