Үйлену тойынан соң жас жұбайлар мінген тікұшақ апатқа ұшырады
АСТАНА. ҚазАқпарат - АҚШ-тың Техас штатында тұратын Уилл Байлер мен Бэйли Акерман-Байлер үйлену тойынан кейін бір сағаттан соң қаза тапты, деп хабарлайды bbc.com.
Олар мінген тікұшақ Сан-Антонионың батыс жағында 135 шақырым қашықтықтағы Ювалде қалашығы маңында апатқа ұшыраған.
Ұлттық көлік қауіпсіздігі басқармасының тергеушісі Крэйг Хэтчтің айтуынша, тікұшақ әуеге көтерілген соң небәрі 5-10 минуттың ішінде құлаған.
Апаттың себебі әзірге белгісіз.
Тергеушілерге оқыс оқиға болған жерден адамдардың мәйіттерін және қираған тікұшақ қалдықтарын шығару қиындық тудырып отыр. Өйткені тікұшақ төбенің беткейінде жолдан 6-7 шақырым қашықтықта жатыр.
