Ұзынағашта референдумда таңдауын жасаған 100 жастағы әжей жиналғандарға бата берді
ҰЗЫНАҒАШ. ҚазАқпарат - Республикалық референдумда Ұзынағаш ауылының тұрғыны 100 жастағы қарт әжей дауыс берді, деп хабарлайды ҚазАқпарат.
Төлеухан Тұмарбаева сайлау учаскесіне шөбересімен бірге келді. Апамыз 1922 жылдың 1 қаңтарында дүниеге келген.
Кейуана үш ұл, бір қызды өмірге әкелген. Олардан 18 немере, 56 шөбере, 2 шөпшек сүйіп отыр.
Ғасыр жасаған әжей еліміздегі саяси науқандар мен тың өзгерістерге белсенді қатысып келеді.
Т. Рысқұлов атындағы орта мектебінде орналасқан №263 сайлау учаскесінде жиналған дауыс берушілерге Төлеухан апа ақ батасын берді.
