Вьетнамда қақтығыс салдарынан 2 қытайлық азамат қаза тауып, 100-ден астам адам зардап шекті
БЕЙЖІҢ. ҚазАқпарат - Вьетнамда қақтығыс барысында ҚХР-дың 100-ден астам азаматы жарақат алып, екі адам қаза тапты, деп хабарлады «Синьхуа» агенттігі.
Жуырда 20 мыңға жуық демонстранттар Хошими қаласына жақын орналасқан Вьетнам оңтүстігіндегі 15 шетел кәсіпорнын тас-талқан етті.
Жаппай тәртіпсіздік салдарынан 600-ден астам бизнесмендер мен туристер шұғыл тәртіпте вьетнам-камбоджий шекарасын кесіп өтіп, Камбоджи аумағында бой тасалады. Вьетнамдағы толқу Оңтүстік-Қытай теңізіндегі Парасельский аралдары ауданында бұрғылау платформасын орнатқан кезден басталды. Мамырдың басында қытайлық China Oilfield Services компаниясы Сиша (Парасель аралдары) архипелаг акваторийінде бұрғылау-барлау жұмыстарын жүргізе бастаған еді.
Ресми Ханой бұл ауданды өздерінің айрықша экономикалық аймағы санайды, ал Бейжің бұл ҚХР-дың аумақтық суы деп мәлімдеді.
