Ватикан Кардиналы дін көшбасшыларына бірлікті нығайтуға шақырды

None
None
АСТАНА. ҚазАқпарат - Ватикан Кардиналы руханият көшбасшыларын əртүрлі ұлыстардың қарым-қатынасын нығайтуға шақырды, деп хабарлайды astana.gov.kz .

Бүгін Астанада Бейбітшілік және келісім сарайында «Барлығымыз бірге ортақ үйімізге қамқор болайық» дінаралық конференция өтті. Оның бастамашысы - халықаралық ЭКСПО-2017 көрмесінің жеке павильонын ұсынған қасиетті Престол, адамның жан-жақты дамуына ықпал ету бойынша префект Дикастерий,  кардинал Питер Кодво Аппиах Тарксон. Конференцияға халықаралық және жергілікті дін конфессияларының өкілдері қатысты. Басқосуды Астана қаласының Дін істері жөніндегі басқармасы Қазақстандағы дінаралық диалог бойынша Папский кеңесі және Апостолдық нунциатуралар, сонымен қатар «Renovabis» неміс католиктік қайырымдылық ұйымы.

Күнтәртібінде «ортақ үйімізді» қорғау және «жасыл» энергияны дамытуға әлем діндерінің үлес қосуы мәселелері талқыланды. Осыған байланысты дін көшбасшылары біздің ортақ үйімізге қатысты ең күрделі мәселелерді шешу үшін көпвекторлы басқару құру бойынша халықаралық және аймақтық атсалысудың маңыздылығын атап өтті.

ҚР Дін істері және азаматтық қоғам бойынша министрі қатысушыларды қарсы алып, алғаш болып сөз сөйледі. Өз сөзінде ол екі ел басшыларының - Нұрсұлтан Назарбаев пен Рим Папасы Францисконың арасындағы орнаған жақын әрі сенімді қарым-қатынастың маңыздылығын атап өтті.

«Бүгінде Ватикан Апостолдық нунциатура атынан елде бейбітшілік пен ұлыстар арасында келісім орнатуда Қазақстанның маңызды серіктесі болып табылады. Біздің халқымыздың мәдениет пен рухани өмірінің дамуында өз рөлі бар. Биыл біз Қазақстан мен Ватикан арасында дипломатиялық қатынастың 25 жыл орнағанын атап өтеміз. Біз бұл маңызды халықаралық форумда  дін өкілдерінің тәжірибені жалғастыра отырып, белсенді қатысатындарына, жоғары дәрежеде өтетініне сенім білдіреміз», - деді министр Н.Ермекбаев.

Өз кезегінде кардинал Питер Кодво Аппиах Тарксон форумның өтуіне қолдау танытқаны үшін алғысын білдіріп, барлық адамдар жанұясы қызметінде қажетті  «Болашақтың энергиясы» жүйесінің маңыздылығын тілге тиек етті.

Форум соңында қатысушылар шараны өткізу Қазақстан мен қатысқан ұлыстар өкілдері арасындағы қарым-қатынас тарихын нығайтуға айтарлықтай үлес қосады деген пікір білдірді.

Соңғы жаңалықтар
telegram