Ватиканға тиесілі көліктен кокаин мен марихуана табылды
АСТАНА. ҚазАқпарат - Францияда Ватиканға тиесілі көліктен кокаин мен марихуана табылды. Бұл туралы RTL радиостансасы хабарлады.
Оның деректеріне қарағанда, Шамбери қаласы аумағында автожолдағы төлем пунктінде кеденшілер (Савойя департаменті) тексеріс барысында бір көліктен 4 келі кокаин мен 200 грамм марихуана табылғаны айтылған. Машинада Италияның екі азаматы (30 және 40 жастардағы) болған, оларды полиция құрықтады.
Ресми емес деректерге сәйкес, дипломатиялық нөмірлі Mercedes Ватиканның құрметті кітапханашысы болып істейтін 91 жастағы Хорхе Марии Мехиаға тиесілі екен.
