Велотректен әлем кубогына кімдер қатысады

АСТАНА. ҚазАқпарат - 18-20 қаңтар күндері Жаңа Зеландияның Кембридж қаласында велотректен әлем кубогының бесінші кезеңі өтеді деп хабарлайды Olympic.kz.

Бүгін кубоктік додаға Қазақстан атынан кімдердің қатысатыны белгілі болды.

Кембриджде Павел Воржев, Андрей Чугай, Сергей Пономарев және Максим Налетов жарыс жолына шықпақ.

18 қаңтар күні ерлер мен әйелдер арасында командалық спринт және командалық із кесу жарысынан алғашқы жүлделер жиынтығы сарапқа салынады.

19 қаңтар күні ерлер арасында 30 шақырымдық мэдисон, 15 шақырымдық скрэтч және кейриннен кім мықты екенін анықталмақ. Әйелдер арасында омниум мен жекелей спринттен жеңімпаздар белгілі болады.

20 қаңтар күні ерлер арасында омниум мен жекелей сын бәсекелерінің финалдық кезеңі өтпек. Әйелдер 20 шақырымдық мэдисон, 10 шақырымдық скрэтч бойынша жүлдеге таласады.