Велотректен Әлем кубогының Астана кезеңінде 7 медальдар топтамасы сарапқа салынды
ТАНА. 5 қараша. ҚазАқпарат - Кеше елордада өтіп жатқан велотректен Әлем кубогінің бірінші кезеңінде 7 медальдар топтамасы сарапқа салынды,
деп хабарлады ҚР Велоспорт федерациясының баспасөз қызметінен.
Федерацияның мәліметтеріне сәйкес, скретч, ерлер және әйелдер арасындағы ізге түсу жарысы, 500 метрлік гит, командалық спринт, ұпай жинау жарысы бойынша медальдар ойналды. Аталған жарыстарда, Австралия 1 алтын, 1 күміс, Голландия 1 алтын, 1 күміс, 1 қола, Бельгия, Беларусь, Германияның «ERDGAS-201» TEAM командасы, Оңтүстік Корея, Ресейдің RUSVELO командасы бір-бір алтыннан, Германия 1 алтын, 4 қола медалін иеленді. Сондай-ақ жүлделі орындардан Франция, Аргентина, Қытай, Украина, Италия командалары да көрінді.
