Венада Дунай өзенінің деңгейі қауіпті көрсеткішке жетті
АСТАНА. 5 маусым. ҚазАқпарат - Австрия астанасы - Вена қаласында судың деңгейі ең жоғары көрсеткішке жетіп қалды.
Соңғы ақпаратқа сәйкес, ел синоптиктері Дунай өзенінің деңгейі 2002 жылғы көрсеткіштен асып кететіндігін болжап отыр. Сол кезде Австрия соңғы жүз жылда болмаған ең қатты су тасқынына ұшырады. Метеорологтар хабарлағандай, су, ең алдымен, Венаға жақын жатқан Вахау алқабын жайлайды. «Киншток» бақылау стансасы кеше Дунай өзенінің 10,69 метрге дейін көтерілгенін растады.
