Венаның ең биік ғимараты сатылымға шығарылды

АСТАНА. ҚазАқпарат - Австрияда Вена қаласының ең биік ғимараты сатылымға шығарылды, деп хабарлайды euromag.ru.

Бұл нысан елдің бас банкі холдингінің құтылмақшы болған жылжымайтын мүліктерінің тізіміне енді.

Осы аптада Австрия банкі жылжымайтын мүлікті басқару банктің тікелей мақсаты емес екенін, сондықтан ол өз нысандарын сатып жібермек ниеттеніп отырғандығын мәлім етті. Саудаға барлығы 80 нысан қойылады, олардың арасында 95 пайыздық үлеспен Венаның ең танымал әрі заманауи көзге көрінерлік жерлерінің бірі - 252 метрлік Дунай мұнарасы бар, деп хабарлайды The Local.

Ғимараттардың әлеуетті иелерін іздестіру үдерісі ашылды. Ұсыныстар жергілікті және шетелдік инвесторларға жасалды. Ұсыныстарды қарастыруға сатып алушылардың жарты жыл уақыты бар.