Венецияда дөңгелекті чемоданға тыйым салуы мүмкін

АСТАНА. ҚазАқпарат - Венеция билігі жергілікті тұрғындардың шағымына байланысты дөңгелекті чемодандарға тыйым салу мүмкіндігін қарауда. Себебі оның сықыры ұйқыға кедергі келтіреді деуде, деп хабарлады Би-би-си.

Басшылық қалаға келушілердің мұндай чемоданнан бас тартуын немесе ауа немесе сұйықтық толтырылған дыбысы жоқ дөңгелекті чемондандарды пайдалануды ұсынады.

Бұл шара ескі көпірлердің де жақсы сақталуына ықпал етеді деп болжануда.

Венецияға жыл сайын шамамен 27 миллион турист қатынайды. Венециялық қалалық әкімшіліктің сайтындағы хабарламада бұл бастаманы қалалықтар қозғағаны айтылады.