Венесуэла Колумбиямен арадағы шекара аймағына төтенше жағдай енгізді
АСТАНА. ҚазАқпарат - Венесуэла президенті Николас Мадуро Колумбиямен шекаралас аймақта контрабандашылардың шабуылына байланысты төтенше жағдай жариялады, деп хабарлады «ВВС» агенттігі.
Телеүндеуінде Мадуро шекарада болған қақтығыстан үш сарбаз бен бір бейбіт тұрғын жараланғанын хабарлады. Колумбиямен шекара жабылады және сол жерге қосымша тағы 500 сарбаз жіберілді. Би-би-си тілшісінің атап өтуінше, Венесуэла мен Колумбияның шекарасы - түрлі қылмыстық топтардың ордасына болып келген аймақ.
