Венесуэла Оңтүстік Осетия мен Абхазияны таныды - У. Чавес
АСТАНА. Қыркүйектің 10-ы. ҚазАқпарат - Уго Чавес бейсенбі күні ресейлік әріптесі Дмитрий Медведевпен болған келіссөзде Венесуэланың Оңтүстік Осетия мен Абхазияның тәуелсіздігін танитынын мәлім етті,
деп хабарлайды «РИА «Новости» агенттігі.
«Мен мүмкіндікті пайдалана отырып, Венесуэланың Оңтүстік Осетия мен Абхазия республикаларының тәуелсіздігін танығандарға қосылатынын мәлім еткім келеді», - деді Чавес. Ол, Венесуэланың бүгіннен бастап барлық қажетті іс-шараларды бастайтынын атап көрсетті.
Бұған дейін екі республиканың тәуелсіздігін екі ел - Ресей мен Никарагуа ғана таныған болатын.
