Вьетнамның жаңа президенті туралы не белгілі
АСТАНА. KAZINFORM – 22 мамырда Вьетнам Социалистік Республикасының Ұлттық жиналысы генерал То Ламды Вьетнам президенті етіп бекітті.
То Лам 1957 жылы шілдеде Вьетнамның солтүстігіндегі Хынгйен провинциясында дүниеге келген. 1974-1979 жылдары Халық қауіпсіздігі академиясының студенті болды. 1981 жылы Вьетнам Коммунистік партиясы қатарына қабылданды.
Академияны бітіргеннен кейін То Лам Қоғамдық еңбек жолын Қоғамдық қауіпсіздік министрлігінде бастады. Әр жылдары Мәскеу прокуратурасының құрылымында түрлі басшылық қызметтерді атқарды. 2007 жылы оған генерал-майор шені беріліп, 2016 жылы министр лауазымына кірісті.
То Лам – 12 және 13-ші шақырылымдағы ВКП Орталық Комитетінің мүшесі, 11, 12 және 13-ші шақырылымдағы ВКП Орталық Комитеті Саяси Бюросының мүшесі, 14 және 15-ші Ұлттық жиналыстың депутаты. Ол сондай-ақ Сыбайлас жемқорлыққа қарсы іс-қимыл жөніндегі Орталық басқару комитеті төрағасының орынбасары, Ұлттық қорғаныс және қауіпсіздік кеңесінің мүшесі, сот реформасы жөніндегі Орталық басқару комитетінің мүшесі.
Еске сала кетсек, Вьетнамның Ұлттық жиналысы (бір палаталы парламент) сәрсенбі күні Вьетнам Коммунистік партиясы Орталық Комитеті Саяси бюросының мүшесі То Ламды елдің жаңа президенті етіп сайлады. Оның өкілеттік мерзімі 2026 жылға дейін жалғасады.
