VІІ қысқы Азиада ойындарының Тараздағы Алау эстафетасын Жамбыл облысының әкімі бастайды
ЖАМБЫЛ ОБЛЫСЫ. 11 қаңтар. ҚазАқпарат /Галина Скрипник/ - VІІ қысқы Азиада ойындарының Тараздағы Алау эстафетасын Жамбыл облысының әкімі Қанат Бозымбаев бастайды.
«Алматыдан кейін Тараз қаласы 2011 жылғы Азиада ойындарының Алау эстафетасын қабылдайтын республика қалаларының алғашқысы болады, - деп хабарлады ҚазАқпарат тілшісімен сұхбатында Жамбыл облысы Спорт және туризм басқармасының бастығы Бахтияр Артаев. - Таразға Алау 12 қаңтар күні кешке жеткізіледі, ал 13 қаңтарда біздің ежелгі қаламыздың көшелерінде 60 шырақшы қатысатын Алау эстафетасы басталады».
Б.Артаев нақтылағандай, эстафетаға қатысушылар арасында - жамбылдық спорт ардагерлері, мүмкіндігі шектеулі спортшылар, спорт меценаттары, қазақстандық мәдениет жұлдыздары бар.
Азиада-2011 алауын Тараз жерінде қазақстандық спорт жұлдыздары Ислам Байрамұқов, Болат Ниязымбетов, Болат Жұмаділов алып жүреді.
