«Витязь» ойыншысымен болған төбелесте алған жарақатына байланысты «Барыс» хоккейшісі Д.Мирасти мұз айдынына тек 2013 жылы шығады

АСТАНА. 5 желтоқсан. ҚазАқпарат - «Барыстың» шабуылшысы Джон Мирасти Тревор Гиллиспен (чехиялық «Витязь») арада болған төбелестен бірқатар жарақаттар алды және мұз айдынына 2013 жылы ғана оралады, деп хабарлады Vesti.kz.

Естеріңізге сала кетейік, бұл оқиға 3 желтоқсанда орын алды: ойын алаңының ортасында аталған хоккейшілер шиеленісіп қалды, төбелес бірнеше жұдырық соққысынан кейін тоқтатылды. Матч алдында канадалық форвард маусымның бірінші кездесуінде (22 қараша, Мирасти және оның командасы бұл ойында жеңіліс тапқан болатын) жеңіліп қалғаны үшін есесін қайтарғысы келетінін айтқан.

Ресми емес мәліметтерге қарағанда, Джонның жақ сүйегі сынды (және бірнеше тісі), басы мен денесі жарақаттанды, қазіргі уақытта ол емделу курсынан өтіп жатыр. Ол мұз айдынына Жаңа жылдан кейін ғана шығуы мүмкін.