Владимир Кличко Александр Поветкинмен қайтара кездесуге дайын

АСТАНА. 6 қазан. ҚазАқпарат - Украиндық боксшы кездесуден кейінгі берген сұқбатында Александр Поветкинмен қайтара кездесудің болып қалуы мүмкін екендігін мәлімдеді. Бұл туралы РБК хабарлайды.

«Егер жұртшылық қаласа, ұйымдастырушылардың қалауы болса, ең негізгісі Саша қаласа біз бұл туралы әңгіме қозғай аламыз. Бірақ мен чемпион болып табылатын басқа да ұйымдардың алдында менің жеке міндеттемелерім бар екендігін естен шығармағанымыз абзал», - деп атап өтті Кличко.