Владимир Кличко бокстан кететіндігін мәлімдеді

АСТАНА. ҚазАқпарат - Ауыр салмақтағы бұрынғы әлем чемпионы, украиндық боксшы Владимир Кличко спорттағы мансабын аяқтау шешімін қабылдады. Мұны ол жеке YouTube арнасында хабарлады.

41 жастағы спортшы осы жылғы 11 қарашаға жоспарланған британдық Энтони Джоушпен қарымта айқас өткізуден бас тартты. Жекпе-жек Лас-Вегаста T-Mobile аренасында өтетін болған. 30 сәуірде Лондонда өткен спортшылар арасындағы бірінші жекпе-жек 11 раундта техникалық нокаутпен Дшоуштың жеңісімен аяқталған. Кәсіби мансабында Кличко 64 рет жеңіске жетті (53 нокаут), бес рет жеңілген.