Владимир Путин Петербургтегі жарылысты теракт деп атады
АСТАНА. ҚазАқпарат - РФ Президенті Владимир Путин сәрсенбіде Петербургте болған жарылысты терракт деп атады. Ол федералдық қауіпсіздік қызметі басшысына берген тапсырмасында, қылмыскерлерді қолға түсірген жағдайда заң аясындағы іс-қимылдарға жүгіну керектігін, егер өмірге қауіп төндіретін жағдайда ешкімді тұтқынға алмай, лаңкестердің көзін жою керектігін айтты. Бұл туралы ресейлік ТАСС агенттігі хабарлайды.
«Кеше Санкт-Петербург қаласында террорлық акті болды, федералдық қызмет жуықта ғана тағы бір оқиғаның алдын алған болатын», - деді РФ президенті.
Соңғы деректер бойынша, Петербург қаласындағы Кондратьев даңғылындағы супермаркетте жарылыс болып, 13 адам зардап шеккен болатын, олардың сегізі қазір ауруханада жатыр.
