Владимир Путин Украинадағы жағдайға байланысты келісімге қол жеткізілгенін хабарлады
АСТАНА. ҚазАқпарат - Ресей Президенті Владимир Путин Украина бойынша келісімге қол жеткізілгенін мәлім етті, деп хабарлады Би-би-си.
«Нормандтық төрттік» келіссөздерінен кейін Ресей Президенті Владимир Путин журналистерге шығып, 15 ақпанда сағат нөлден бастап атысты тоқтатып, қақтығыс болып жатқан жерлерден ауыр қару-жарақтарды кері қайтару туралы келісімге қол жеткізілгенін мәлімдеді.
Минскіде келіссөздер сәрсенбі күні кешке басталды. Оған Германия, Франция, Ресей, Украина көшбасшылары қатысуда.
